18:11 "ՊՍԺ"-ն կգնի՞ լոնդոնյան թիմերի խաղացողների | |
 Ինչպես հայտնում են ֆրանսիական ԶԼՄ-ները, փարիզյան "ՊՍԺ"-ն պատրաստվում է մինչև տրանսֆերային պատուհանի ավարտը ևս մի քանի ձեռքբերում կատարել: Նշվում է, որ փարիզցիները մեծ հետաքրքրություն են ցուցաբերում Լոնդոնի "Չելսիի" պորտուգալացի աջ եզրային պաշտպան Ժոզե Բոսինգվայի նկատմամբ: Հայտնի է, որ 29-ամյա պորտուգալացու պայմանագիրն ավարտվում է այս տարվա ամռանը, իսկ ֆուտբոլիստն էլ չի ցանկանում բավարարվել իրեն հատկացված պահեստայինի դերով և կդիտարկի կարիերայի շարունակության ցանկացած հնարավոր տարբերակ: Լոնդոնյան "արիստոկրատներն" էլ ամենայն հավանականությամբ կվաճառեն խաղացողին հենց ձմռանը, որպեսզի գոնե մի փոքր շահույթ ստանան: Ֆրանսիական Le Parisien պարբերականը պորտուգալացու տրանսֆերը գնահատում է մոտ 5 մլն եվրո: Լոնդոնյան մյուս գրանդի` "Արսենալի" 22-ամյա վինգեր Թեո Ուոլքոթը նույնպես կարող է հայտնվել Ֆրանսիայի մայրաքաղաքը ներկայացնող թիմում, որը պատրաստվում է անգլիացու գնման համար մեծ ներդրումներ կատարել: Սպասվում է, որ եթե 22-ամյա ֆուտբոլիստը մինչև ամառ չերկարաձգի պայմանագիրն "Արսենալի" հետ, ապա նրա ամենահավանական գնորդը կլինի հենց "ՊՍԺ"-ն:
| |
|
| |
| Total comments: 0 | |