Բրիտանական և ֆրանսիական ԶԼՄ-ները հաղորդում են, որ փարիզյան "ՊՍԺ"-ն ակտիվորեն քննարկում է "Լիվերպուլի" անգլիացի ֆուտբոլիստ Ջո Քոուլին ձեռք բերելու հեռանկարները: Նշենք, որ անգլիացի ֆուտբոլիստը "Չելսիից" անվճար "Լիվերպուլ" տեղափոխվելուց հետո այդպես էլ չկարողացավ հաստատվել մերսիսայդյան թիմի հիմնական կազմում, իսկ լիվերպուլյան ակումբի գլխավոր մարզիչ Քեննի Դալգլիշն այնքան էլ մեծ հույսեր չի կապում նրա հետ: Բացի այդ, "Լիվերպուլի" հաշվենկատ ղեկավարությունն այնքան էլ նպատակահարմար չի գտնում պահպանել Քոուլին, ում շաբաթական վճարում է 90 հազար ֆունտ ստեռլինգ աշխատավարձ: Որոշ լրատվամիջոցներ էլ նշում են, որ "ՊՍԺ"-ն պատրաստ է Քոուլին առաջարկել մի պայմանագիր, համաձայն որի նա շաբաթական կվաստակի 100 հազար եվրո, գրեթե նույնքան, որքան նա ստանում է "Լիվերպուլում":