 Հեղինակավոր Goal.com ֆուտբոլային կայքը գրում է, որ պորտուգալական "Պորտուի" բրազիլացի հարձակվող Հալկը օգոստոսի 31-ին կարող էր դառնալ Մախաչկալայի "Անժիի" ֆուտբոլիստը: Բանն այն է, որ մախաչկալցիների պատվիրակությունը գտնվում էր Պորտու քաղաքում, և տրանսֆերային պատուհանի պակվելուց 4 ժամ առաջ կողմերն արդեն համաձայնության էին եկել տրանսֆերի հարցում, որը կազմում էր 87 մլն եվրո, իսկ ֆուտբոլիստը կստանար 10.5 մլն տարեկան աշխատավարձ: Սակայն տեղական ժամանակով 22:00-ին (Երևանի ժամանակով 02:00-ին) "Պորտուի" նախագահը հրաժարվել է վաճառել բրազիլացուն և պահանջել 90 մլն-ից ոչ պակաս: Եվ դա ձախողեց տրանսֆերի կայացմուը, բայց, այնուամենայնիվ, "Անժին" ևս մեկ փորձ կկատարի ձմռանը: |