 Մադրիդի "Ռեալի" ֆրանսիացի 19-ամյա խոստումնալից պաշտպան Ռաֆայել Վարանը, ով իր դեռևս առաջին հրավերն է ստացել Ֆրանսիայի ազգային հավաքականից, հայտարարել է, որ ամեն ինչի համար ինքը երախտապարտ է մադրիդյան թիմին: "Ես նախևառաջ զարմացած եմ այդ հրավերից, սակայն շատ ուրախ եմ: Դա ինձ համար մեծ պատիվ է: Այդ հրավերի համար շնորհակալ եմ միայն "Արքայական ակումբին", քանի որ այստեղ ամեն օր գրեթե աճում եմ, նոր բան սովորում: Ամեն ինչ կանեմ, որպեսզի կարողանամ հաստատվել ազգային հավաքականի հիմնական կազմում",- ասել է ֆրանսիացի կենտրոնական պաշտպանը:
|