 Իսպանական "Վալենսիայի" ֆրանսիացի պաշտպան Ադիլ Ռամին` իր գործակալից տեղեկանալով, որ իր ծառայություններով հետաքրքրված է կատալոնական "Բարսելոնան", հայտարարել է. "Ես շատ գոհ եմ իմ խաղից, քանի որ այդ խաղն է ստիպել "կապտանռնագույններին" հետևել իմ մրցելույթներին: Ես գիտեմ, որ կարող եմ շուտով դառնալ Կառլես Պույոլի պոտենցիալ ու լիարժեք փոխարինողը "Բարսելոնայում", սակայն նաև գիտեմ` չպետք է ֆուտբոլիստը սին պատրանքներով ապրի: Ես դեռ 26 տարեկան եմ ու շատ անելիքներ ունեմ իսպանական ֆուտբոլում. ցանկանում եմ դառնալ աշխարհում թիվ մեկ պաշտպանը": |