 Մադրիդի "Ռեալի" և Պորտուգալիայի ազգային ընտրանու առաջատար գերհարձակվող Քրիշտիանու Ռոնալդուն վերջին շրջանում հայտնվել է գրեթե բոլոր մարզական լրատվամիջոցների ուշադրության կենտրոնում, իսկ հետաքրքիրն այն է, որ բոլոր ԶԼՄ-ներն էլ քննադատում են աստղային ֆուտբոլիստին` համարելով նրան եսասեր ու կամազուրկ անձնավորություն, ով չի կարողանում իր հետևից տանել Պորտուգալիայի ընտրանուն "ԵՎՐՈ 2012"-ի ընթացքում: Եվ ահա այսօր ազգային հավաքականում Ռոնալդուի խաղընկեր Ռուի Պարտիսիուն ասել է լրատվամիջոցների ներկայացուցիչներին. "Նա մեր թիմի ավագն է, ու միշտ էլ գեղեցիկ խաղ է ցուցադրում: Եթե գոլի հեղինակ էլ չի դառնում, ապա օգնում է մնացածներիս: Վաղը Հոլանդիայի դեմ խաղում նա հաստատ կկարողանա գոլ հեղինակել: Մենք հավատում ենք Ռոնալդուին ու ողջ թիմի հզորությանը և ուժին": |