08:21 Ռոնալդուն կարող է հեռանալ կամ.... | |
 Ֆրանսիական "ՊՍԺ"-ի մարզական տնօրեն Լեոնարդոն հերքել է բոլոր այն տեղեկությունները, թե իրենք առաջարկ են արել Մադրիդի "Ռեալի" պորտուգալացի կիսապաշտպան Քրիշտիանու Ռոնալդուին: "Մենք երբեք էլ այդ մասին չենք մտածել: Մենք շատ գոհ ենք այս տրանսֆերային պատուհանում մեր կնքած բոլոր գործարքներից: Երբ "ՊՍԺ"-ն իրոք ցանկանում է գնել մի խաղացողի, ապա միանգամից կապնվում է հենց ակումբի հետ, քանի որ այդ խաղացողի բոլոր իրավունքները պատկանում են ակումբին: Մենք այդպես ենք աշխատում: "ՊՍԺ"-ն "Ռեալի" հետ երբեք չի խոսել այդ նուրբ թեմայով",- հայտարարել է Լեոնարդոն: Իսկ ահա Քրիշտիանու Ռոնալդուի գործակալ Ժորժե Մենդեշն էլ հայտարարել է, որ ինքը լավ գիտի Ռոնալդուի անհանգստության պատճառները: "Ես գիտեմ, թե ինչն է խնդիրը, բայց դա բացահայտելու բան չէ: Նրա խոսքերը իմ համար անսպասելի չէին ու խնդիրներ չեն ստեղծում ո՛չ ինձ համար, ո՛չ էլ իր համար",- հայտարարել է Ժորժե Մենդեշը, ով նաև Ժոզե Մոուրինյոյի անձնական գործակալն է:
Հ.Գ.: Երեկ Ռոնալդուն սենսացիոն հայտարարություն է արել` նշելով, որ իրեն լավ չի զգում "Ռեալում". բաներ կան, որ իր սրտով չեն: | |
|
| |
| Total comments: 0 | |