Գերմանական "Բունդեսլիգայի" ֆուտբոլիստները որոշել են, որ Դորտմունդի "Բորուսիայի" կիսապաշտպան Մարկո Ռոյսը 2013/14 մրցաշրջանի լավագույն ֆուտբոլիստն է: Նա հավաքել է ձայների 28.6 տոկոսը, 2-րդ տեղը գրավել է Ռոյսի թիմակիցը՝ լեհ հարձակվող Ռոբերտ Լևանդովսկին (20.3 տոկոս), երրորդ հորիզոնականում "Բավարիայի" հոլանդացի եզրային ֆուտբոլիստ Արյեն Ռոբբենն է (10.1 տոկոս):

   Մրցաշրջանի լավագույն մարզիչ է ճանաչվել Մարկուս Վայնցարլը "Աուգսբուրգից", ով ստացել է ձայների 30.7 տոկոսը: Նրա թիմը մրցաշրջանն ավարտել է 8-րդ հորիզոնականում: "Բավարիայի" մարզիչ Խոսեպ Գվարդիոլան դարձել է 2-րդը (25.6 տոկոս), Յուրգեն Կլոպը դորտմունդյան "Բորուսիայից" զբաղեցրել է 3-րդ հորիզոնականը (18.6 տոկոս):