 Մեր կայքի "Անպայման դիտեք" տեսահոլովակից հետո կարծում եմ բոլորդ էլ համոզվեցիք, որ Մադրիդի "Ռեալի" գլխավոր մարզիչ Ժոզե Մոուրինյոյի խոսքերում որոշակի ճշմարտություն կար. "Ռեալի" դեմ որոշակի կազմակերպություններ կամ գուցե անձեր պատերազմ են հայտարարել: Իսկ ահա այս նկարից հետո, որ տեսնում եք հոդվածի սկզբում ու ավելի մեծացված նաև վերջում, կարծես թե ամեն բան 100 տոկոսով հաստատվում է: Այս հաշիվը հայտնվել է ՈւԵՖԱ-ի պաշտոնական կայքում "Ռեալ"-"Բարսելոնա" խաղից անմիջապես հետո իբրև այդ խաղի վերջնական արդյունք: Ամենազարմանալի այն է, որ սա ոչ թե ինչ-որ ծրագրերի միջոցով արված նկար է, այլ հենց նույն պահին, երբ հայտնվել է այս աղյուսակը, անգլիական the Daily Mail պարբերականի թղթակիցը միանգամից ֆիքսել է կադրը: Այսինքն` կարելի է ասել, որ "Ռեալը" կարողացել է պլստալ: |