 Անգլիական "ՔՊՌ"-ն ժամեր առաջ պաշտոնապես հայտարարել է, որ իրենք համաձայնության են հասել Մադրիդի "Ռեալի" հետ վերջինիս 25-ամյա տաղանդավոր կիսապաշտպան Էստեբան Գրաներոյի` Անգլիա տեղափոխության հարցում: Ֆուտբոլիստն էլ արդեն նաև համաձայնեցրել է ակումբի հետ 5 տարով պայմանագիրը` մերժելով "Տոտենհեմի" առաջարկը: Էստեբան Գրաներոն "Ռեալի" սաներից է, ում մադրիդցիները հետ բերեցին "Խետաֆեից" դեռևս 2009թ.-ին` ընդամենը 4 մլն եվրոյի դիմաց, իսկ այժմ նրան անգլիական թիմին կվաճառեն մոտ 8 մլն ֆունտի դիմաց: Անցած մրցաշրջանում նա մասնակցել է 28 խաղի: |