23:57 Ռեդնապն իր աշխատանքի և Մոդրիչի մասին | |
 Լոնդոնի "Տոտենհեմի" նախկին գլխավոր մարզիչ Հարրի Ռեդնապը հայտարարել է, որ ինքը դեռ չի շտապում նոր ակումբ ընտրելու հարցում, քանի որ ցանկանում է հետաքրքիր տարբերակ ստանալ: "Դեռ վաղ է ինչ-որ բանի մասին խոսելու համար: Ես դեռ ավելի լավ առաջարկների եմ սպասում: Հետո արդեն հանգիստ կդիտարկեմ դրանք: Չեմ էլ ցանկանում շտապել: Եթե հոյակապ առաջարկ ստանամ, ապա դա ուղղակի հիանալի կլինի, իսկ եթե չստանամ, ապա խնդիր չէ",- ասել է անգլիացի մարզիչը:Հարրի Ռեդնապը խոսել է նաև իր նախկին սանի` խորվաթ կիսապաշտպան Լուկա Մոդրիչի շուրջ ծագած աղմուկի մասին: "Ես վստահ չեմ, որ Լուկան կսկսի գալիք մրցաշրջանը հենց "Տոտենհեմի" կազմում: Ակումբը դեմ չէ վաճառելու խաղացողին, սակայն ցանկանում է համապատասխան փոխհատուցում ստանալ: Հիշում եմ, որ դեռ նախորդ մրցաշրջանում այդ ակումբի ղեկավարը խոստացել էր նրան չխանգարել, եթե ֆուտբոլիստի ճանապարհին հայտնվի Մադրիդի "Ռեալը", որի երկրպագուն է խորվաթը: Ամեն դեպքում Դենիել Լևին չկատարեց իր խոստումը, ահա թե ինչու է նման խնդիր ծագել",- հավելել է անգլիացի մասնագետը, ով 26-ամյա խաղացողի երկրպագուն է: | |
|
| |
| Total comments: 0 | |