 Ուելսի երիտասարդական հավաքականի և Լոնդոնի "Արսենալի" 20-ամյա կիսապաշտպան Ահարոն Ռեմզին "զինագործների" պաշտոնական կայքին տված հարցազրույցում կարծիք է հայտնել, որ լոնդոնյան թիմը կարող է
հաջողության հասնել նաև առանց թիմի ավագ Սեսկ Ֆաբրեգասի, ով ամեն քայլ անում է "Բարսելոնա" փախչելու համար: Ռեմզին նշել է, որ իրենց թիմն այժմ պատրաստվում է մրցաշրջանի մեկնարկին և պատրաստ է մրցակցել "Պրեմիեր լիգայի" բոլոր հզոր ակումբների հետ: Չնայած նրան, որ "Զինագործների" շարքերը կարող են լքել թիմի 2
առաջատարներ Սամիր Նասրին և Սեսկ Ֆաբրեգասը, Ռեմզին համոզված է, որ իրենք
կարող են հաղթել բոլորին և մրցաշրջանի վերջում լավ արդյունքի հասնել նաև առանց "փախչող" առաջատարների: "Մենք` թիմի նվիրյալ խաղացողներս, հասկանում ենք, որ առանց նրանց մեզ համար հեշտ չի լինի, բայց մենք
արդեն մեծացել ենք և գիտենք, թե ինչ է պետք անել դաշտում հաջողության
հասնելու համար",-հպարտ ասել է Ռեմզին:
|