 Մադրիդի "Ռեալի" և Պորտուգալիայի ազգային հավաքականի առաջատար կիսապաշտպան Քրիշտիանո Ռոնալդուն խոսել է իր նախկին ակումբի մասին, ինչպես նաև նշել, որ չի բացառում Անգլիա վերադառնալու հնարավորությունը. "Ես հիանալի հիշողություններ ունեմ "Մանչեսթեր Յունայթեդի" հետ կապված և երբ նայում եմ նրանց հանդիպումները, կարոտում եմ Անգլիան: Ալեքս Ֆերգյուսոնն իմ երկրորդ հայրն է: Նա ամենակարևոր կերպարն է իմ ֆուտբոլային կարիերայում, սակայն, միևնույն ժամանակ, ես շատ երջանիկ եմ Մադրիդում և հեռանալու մասին մտածել անգամ չեմ ցանկանում",-ասել է 26-ամյա ֆուտբոլիստը, ով իր ֆուտբոլային կարիերայի ամենամեծ տիտղոսները նվաճել է անգլիական գրանդի հետ: |