 Իտալական հեղինակավոր La Gazzetta dello Sport պարբերականը տեղեկացնում է, որ Ֆեդերիկո Պաստորելոն՝ Ջուզեպպե Ռոսսիի գործակալը, մամուլի ասուլիսի ժամանակ հայտարարել է Թուրինի "Յուվենթուսի" կողմից իր հաճախորդի նկատմամբ ցուցաբերած հետաքրքրության մասին: Հրատարակությունը տեղեկացնում է, որ գործակալն իսպանական ակումբի ներկայացուցիչներին կհանդիպի, որպեսզի փոխանցի իտալական կողմի առաջարկը, որը պատրաստ է 25 մլն եվրո վճարել: Հաղորդվում է, որ "Յուվենթուսը" պատրաստ է գործարքին միացնել նաև իր ֆուտբոլիստներից մեկին: Նշվում է, որ Ռոսսին նախնական պայմանավորվածություն է ձեռք բերել թուրինյան ակումբի հետ անձնական պայմանագրի վերաբերյալ և նրա աշխատավարձը կկազմի տարեկան 3.5 մլն եվրո: |