06:57 Ռուսաստանում դեռևս հանգիստ մթնոլորտ է | |
 Երեկ կայացավ ռուսական "Պրեմիեր լիգայի" 24-րդ տուրի երկու հանդիպում` "Տոմը" սեփական հարկի տակ հյուրընկալեց "Կրասնոդարին", իսկ Նալչիկի "Սպարտակը" հյուրընկալվեց "Վոլգային": Հայ ֆուտբոլասերների շրջանում հատկապես մեծ ուշադրություն կար առաջին հանդիպման նկատմամբ, և այդ ուշադրության պատճառներն ինքնին հասկանալի էին: Մեր ազգային ընտրանու առաջատար Յուրա Մովսիսյանի թիմը կարողացավ հյուրընկալվելիս 4 անպատասխան գնդակ ուղարկել ուշագնաց "Տոմի" դարպասը, ավելին` Մովսիսյանին հաջողվեց դառնալ թե գոլային փոխանցման, թե գոլի հեղինակ: Յուրան աչքի ընկավ հանդիպման վերջին րոպեին, երբ ճշգրիտ իրացրեց 11 մետրանոց հարվածը: Մյուս խաղում "Վոլգան" կարողացավ դժվարին հաղթանակ տոնել նալչիկյան "Սպարտակի" հանդեպ. այդ խաղում գրանցվեց նվազագույն` 1-0 հաշիվ:Հավելենք, որ այսօր կկայանան ռուսական "Պրեմիեր լիգայի" մյուս 6 հանդիպումները, որոնցից ամենահետաքրքիրը "Ռուբին"-"Զենիթ" մենամարտը կլինի: Ստորև Ձեզ ենք ներկայացնում "Կրասնոդարի" փայլուն հաղթանակի վտանգավոր պահերն ու գոլերը: | |
|
| |
| Total comments: 0 | |