Ինչպես տեղեկացնում է ArmSport հայկական պորտալը, Յարոսլավլի "Շիննիկի" հայազգի հարձակվող Արթուր Սարկիսովը օգոստոսի 7-ին ժամանելու է Երևան՝ նախապատրաստվելու օգոստոսի 10-ին Կաունասում կայանալիք Լիտվա-Հայաստան ընկերական հանդիպմանը: Այս մասին աղբյուրին հայտնել է "Շիննիկի" սպորտային տնօրեն Սերգեյ Կորովկինը: Հայտնի է, որ հուլիսի 26-ին Հայաստանի ֆուտբոլի ֆեդերացիան հրավեր էր ուղարկել Սարկիսովին, ով հաջող մրցաշրջան է անցկացնում ռուսական ակումբում: Երեկ "Շիննիկի" գրասենյակից տեղեկացրել էին, որ թիմի գլխավոր մարզիչը և ղեկավարները քննարկում են հրավերը, քանի որ օգոստոսի 9-ին "Շիննիկը" սեփական հարկի տակ մրցելու է "Խիմկիի" հետ:
Արդեն այսօր պարզ դարձավ, որ "Շիննիկը" չի պատրաստվում խոչընդոտել Սարկիսովին՝ նշելու իր նորամուտը Հայաստանի ազգային հավաքականում: Սարկիսովը օգոստոսի 7-ին կժամանի Երևան, իսկ օգոստոսի 9-ին Հայաստանի հավաքականի կազմում կուղևորվի Լիտվա: