 Անգլիական "Մանչեսթեր Սիթիի" արգենտինացի փոքրամարմին հարձակվող Սերխիո Կուն Ագուերոն լրագրողներին պատմել է, որ մանուկ ժամանակ ինքը հիացած էր Մայքլ Օուենի ցուցադրած խաղով և ամեն ինչի պատրաստ էր, միայն թե հնարավորություն ունենար լուսանկարվել բրիտանացի հարձակվողի հետ: Հեղինակավոր Goal.com սպորտային պորտալը մեջբերում է Ագուերոյի խոսքերը. "Երբ ես երեխա էի, հիացած է Օուենի խաղով: Ինձ դուր էր գալիս նրա խաղաոճը, նրա հարձակվողական ձիրքը և մրցակցի դարպասի մոտ ճիշտ դիրք ընտրելու կարողությունը: Նույնիսկ այն ժամանակ, երբ նա 1998թ.-ի աշխարհի առաջնության ժամանակ գրավեց Արգենտինայի հավաքականի դարպասը, ես հիացած էի նրա վարպետությամբ, սակայն այդ գոլը շատ տխրեցրեց ինձ":
|