Ինչպես հայտնում է իսպանական AS հանդեսը, Մադրիդի "Ռեալի" թուրք հենակետային կիսապաշտպան Նուրի Շահինն ամերիկյան մարզումների ժամանակ ստացած ծնկի վնասվածքի պատճառով բաց կթողնի մրցաշրջանի նախապատրաստական փուլի մեծ մասը: "Արքայական ակումբի" թուրք լեգեոներն արդեն բուժզննում է անցել, և հաստատվել է, որ նրա ապաքինման համար կպահանջվի մոտ երկու-երեք շաբաթ, այնպես որ նա ամենայն հավանականությամբ կհասցնի անհրաժեշտ մարզավիճակ ձեռք բերել մինչև մրցաշրջանի մեկնարկը: