21:27 "Շախտյորի" ֆուտբոլիստների ֆոտոշարքը | |
 Դոնեցկի "Շախտյորի" պաշտոնական կայքը հայտնում է, որ ակումբի խաղացողներ Անդրեյ Պյատովը, Դարիո Սռնան, Ռազվան Ռացը, Ալեքս Տեյշերան ու թիմի առաջատար Հենրիխ Մխիթարյանը լուսանկարվել են գովազդային վահանակների ու ակումբային պաստառների համար: "Մենք փորձում ենք մարզադաշտ բերել ոչ միայն ակումբի հավատարիմ ֆանատներին, այլ նաև նրանց, ովքեր սովորություն էլ չունեն մարզադաշտ գնալ: Այս գովազդային վահանակները պետք է բոլորին ցույց տան, որ "Դոնբաս Արենան" ընտանեկան մարզադաշտ է, և ֆուտբոլային հանդիպումներին կարելի է հաճախել ընտանիքներով: Լուսանկարների վրա ֆուտբոլիստները ու երկրպագուները լինելու են ընտանիքների ու երեխաների հետ: Այդպիսի պատկեր ենք ցանկանում տեսնել մարզադաշտում ապագայում",- նշել է "Շախտյորի" մարքետինգի բաժնի տնօրեն Յուրի Սվիրիդովը: Գովազդային նկարահանումները հիմնականում տեղի են ունեցել "Դոնբաս Արենայում"` ֆուտբոլիստների համար նախատեսված այս նախավարժանքի սենյակում: "Շախտյորի" առաջատար Հենրիխ Մխիթարյանին, ով թիմակիցներից առաջինն էր հագել սև-նարնջագույն համազգեստը, առաջարկեցին ցույց տալ էմոցիաները թե՛ խփած գոլից ու թե՛ բաց թողած գոլային հնարավորությունից հետո: Հենրիխը, մի փոքր մտածելուց հետո, ինքնաքննադատաբար հայտարարեց. "Ավելի լավ է, որ ցուցադրեմ բաց թողած գոլային հնարավորությունից հետո եղած էմոցիաները: Այն ինձ մոտ ավելի "լավ" է ստացվում": Սակայն ուրախությունը ևս Հենրիխի մոտ պակաս հաջող չստացվեց` էմոցիոնալ, ուրախության վանկարկումներով, մի խոսքով, ամեն ինչ կարծես իրական լիներ: Հետո եկավ թիմի ավագի ուրախանալու հերթը: Սակայն, եթե շարժումները Դարիոյի մոտ լավ էին ստացվում, ապա նրա ուրախության ճիչերն ավելի ցածր էին: "Դարիո, գոռա՛ իսկական տղամարդու պես",- թիմի ավագին ոգևորեց Մխիթարյանը, ով արդեն ավարտել էր իր առաքելությունը: Եվ Դարիոն գոռաց այնպես, որ իսկական օրինակ ծառայեց իրենից հետո նկարահանվող Ալեքս Տեյշեյրային: Վերջինս այնպես էր մտել իր դերի մեջ, որ նրանից հետո նկարահանվող Ռազվան Ռացը ստիպված էր անհանգստանալ: - Այստեղ սպանությո՞ւն է տեղի ունենում,- հարցրեց ռումինացի ֆուտբոլիստը: Իսկ ականատեսները մի լավ ծիծաղում էին, ինչից Ալեքս Տեյշեյրան էլ ավելի էր ոգևորվում ու ավելի բարձր էր գոռում: Լուսանկարիչը շարունակում էր իր աշխատանքը, իսկ Սռնան այդ ամենը նկարահանում էր հեռախոսով: Դե ինչ, փնտրե՞նք վիդեո YouTube-ում:     | |
|
| |
| Total comments: 0 | |