12:29 Շշուկներ կան Եվրոպայում. Մաս 2 | |
 Հերթական անգամ մենք մեր կայքի նվիրյալ ընթերցողներին կներկայացնենք վերջին շրջանում ողջ Եվրոպայում տարածված տրանսֆերային գրեթե բոլոր շշուկների մասին, կանդրադառնանք բոլոր հնարավոր տրանսֆերներին ու կմեկնաբանենք, թե որքան այս կամ այն շշուկը կարող է նաև մոտակա օրերին իրականություն դառնալ: Դե ուրեմն մենք սկսեցինք. հետևե՛ք մեր օրինակին: Եղե՛ք ակտիվ, մասնակցե՛ք ծավալվող քննարկումներին կամ էլ ինքներդ թեմաներ առաջարկեք:*** Ըստ ֆրանսիական աղբյուրների` "Սոշոն" պայմանագիր է կնքել Ֆրանսիայի ազգային ընտրանու երբեմնի պաշտպան Լիլիան Թյուրամի որդու` 15-ամյա Մարկուսի հետ: Նշվում է, որ տղան բավական տաղանդավոր է և դեռևս կմարզվի թիմի ակադեմիայում: Կարծիք. Ինչ խոսք, միայն ուրախանալ կարելի է, որ որդիները շարունակում են հայրերի կիսատ թողած աշխատանքը` ֆուտբոլը: *** Անգլիական "Լիվերպուլը" հետաքրքրվում է "Սոունսի" կիսապաշտպան Գիլվի Թոր Սիգուրդսսոնի ծառայություններով: Արդյո՞ք գերմանական "Վոլֆսբուրգին" պատկանող խաղացողը կհամալրի մերսիսայդյան թիմը, հայտնի կդառնա միայն մոտակա օրերին: Կարծիք. Ամենայն հավանականությամբ, "Լիվերպուլի" նորանշանակ գլխավոր մարզիչ Բրենդան Ռոջերսն ամեն ինչ կանի, իր իսկ նախկին թիմի առաջատար խաղացողին "Լիվերպուլ" բերելու համար: Անգամ կվճարի ավելի քան 10 մլն ֆունտ փոխհատուցում: *** Ըստ ֆրանսիական աղբյուրների` գերմանական "Հաննովերը" պայմանագիր է ստորագրել բրազիլացի 25-ամյա կենտրոնական կիսապաշտպան Տրևիզոն Ֆելիպեի հետ, ով խաղում էր բելգիական "Ստանդարտում": Այս տրանսֆերի արժեքը 2 մլն եվրո է եղել: Կարծիք. «Եթե ամեն ինչ ինձ համար բարեհաջող ընթանա, ես կկարողանամ խաղանալ նաև եվրոպական այլ թիմերում»,- ասել է ֆուտբոլիստը: Մի՞թե անհրաժեշտ է նմանօրինակ խաղացողներին գնել և դարձնել առաջատար, իսկ հետո վաճառել այլ թիմերի: *** Բրազիլական "Սանթոսի" կիսապաշտպան Գանսոն հայտարարել է, որ չի պատրաստվում հեռանալ Բրազիլիայից և դեռ երկար տարիներ է ցանկանում հանդես գալ հենց "Սանթոսի" կազմում: Ֆուտբոլիստը նշել է, որ իր համար էլ ավելի կարևոր է անձնական երջանկությունը, քան թե փողը: Հարկ է նշել, որ Գանսոն մինչև 2015թ.-ը գործող երկկողմ պայմանագիր ունի "Սանթոսի" հետ: Կարծիք. Թե՛ Գանսոն, թե՛ Նեյմարը վստահորեն կհայտնվեն Եվրոպայում, սակայն ոչ շուտ քան 2014թ.-ից հետո: Սա հաստատ է: *** Անգլիական "Լիվերպուլի" և իտալական "Ինտերի" նախկին գլխավոր մարզիչ Ռաֆայել Բենիստեսը մոտ ժամանակներս կարող է կրկին վերադառնալ ֆուտբոլային բնագավառ: 52-ամյա մասնագետի ծառայություններով հետաքրքրվում է "Սամպդորիան": Կարծիք. Իհարկե, Ռաֆա Բենիտեսը հոյակապ մասնագետ է, սակայն Իտալիայում չի կարողանում հարմարվել: Գո՞ւցե Անգլիա: *** Անգլիական "Մանչեսթեր Սիթին" ամենայն հավանականությամբ համաձայնվել է իտալական "Ինտերին" վաճառել իր եզրային սերբ պաշտպան Ալեքսանդր Կոլարովին, ում համար արդեն հիմա առաջարկվում է 10 մլն եվրո տրանսֆերային փոխհատուցում: Կարծիք. Ալեքսանդր Կոլարովը լավ խաղացող է, ով կվերգտնի իր խաղը հենց իտալական "Ա Սերիայում": "Ինտերը" ճիշտ կանի: *** Մադրիդի "Ռեալի" արգենտինացի հարձակվող Գոնզալո Հիգուայինը վստահեցրել է "Արքայական ակումբի" երկրպագուներին, որ հաջորդ մրցաշրջանում էլ ինքը կկրի մադրիդցիների մարզաշապիկը, քանի որ դեռևս իր երազանքին չի հասել "Ռեալի" հետ: Կարծիք. Եթե հաջորդ մրցաշրջանում էլ խաղացողը չխաղա մեկնարակային կազմում, ապա հաստատապես կհեռանա թիմից: *** Իսպանական "Վալենսիան" որոշել է նոր 5-ամյա պայմանագիր առաջարկել թիմի 27-ամյա հարձակվող Ռոբերտո Սոլդադոյին, ում աշխատավարձը, համաձայն նոր պայմանագրի` զգալիորեն բարձրացել է: Խաղացողը տարեկան շուրջ 7 մլն եվրո կստանա: Կարծիք. Ափսոս, որ այժմ ֆուտբոլիստը չի մասնակցում "ԵՎՐՈ 2012"-ին, այլապես նրա տրանսֆերային արժեքն ավելին կլիներ: | |
|
| |
| Total comments: 0 | |