23:41 Շշուկներ կան Եվրոպայում. Մաս 3 | |
 Հերթական անգամ մենք մեր կայքի նվիրյալ ընթերցողներին կներկայացնենք վերջին ժամերին ողջ աշխարհում տարածված տրանսֆերային գրեթե բոլոր շշուկների մասին, կանդրադառնանք բոլոր հնարավոր տրանսֆերներին ու կմեկնաբանենք, թե որքանով այդ շշուկները կարող են մոտակա օրերին իրականություն դառնալ: Դե ուրեմն մենք սկսեցինք. հետևե՛ք մեր օրինակին: Եղե՛ք ակտիվ, մասնակցե՛ք ծավալվող քննարկումներին կամ էլ ինքներդ թեմաներ առաջարկեք:*** Ըստ իտալական ԶԼՄ-ների` բարզիլացի Կական կարող է վերադառնալ իր նախկին ակումբ` "Միլան", որտեղ նրան սպասում են թե՛ թիմի երկրպագուները, թե՛ ակումբի ղեկավարությունը: 30-ամյա խաղացողը, ով վաղուց արդեն Մադրիդի "Ռեալի" հիմնական կազմի խաղացող չէ, անցած մրցաշրջանում մանակցել է 27 հանդիպման` դառնալով` 7 գոլային փոխանցման և 5 գոլի հեղինակ: Կարծիք. Գուցե Կական Եվրոպայում արդեն էլ ասելիք չունի՞: Իհարկե, տաղանդավոր տղա է, բայց իր ժամանակն արդեն անցել է: *** Իսպանիայի ազգային թիմի գլխավոր մարզիչ Վիսենտե դել Բոսկեն օրերս երկարաձգել է երկրի ֆուտբոլի ֆեդերացիայի հետ գործող պայմանագիրը ևս 2 տարով, և այսուհետև այն կգործի մինչև 2014թ.-ի ֆուտբոլի աշխարհի առաջնության ավարտը: Կարծիք. Իսպանացի մասնագետին այս կերպ փորձում են ցույց տալ, որ վստահում են` անկախ "ԵՎՐՈ 2012"-ի արդյունքներից: *** Ըստ բրիտանական ԶԼՄ-ների` Լոնդոնի "Արսենալը" իր առաջատար Ռոբին վան Պերսիի համար հստակ փոխհատուցման գին է սահմանել. ֆուտբոլիստին գնել ցանկացողները պետք է վճարեն առնվազն 30 մլն ֆունտ: Հոլանդացին, ով ներկա պահին թիմում ստանում է 130 հազար ֆունտ աշխատավարձ, ցանկանում է նոր թիմում ստանալ 2 անգամ ավելին` մոտ 250 հազար ֆունտ: Կարծիք. Իհարկե, նմանօրինակ գումարներ կարող է առաջարկել միայն "Մանչեսթեր Սիթին", այլ ոչ թե Թուրինի "Յունեվթուսը": *** Լոնդոնյան "Չելսիի" անգլիացի հարձակվող Դանիել Սթարիջը կարող է մոտ օրերին հեռանալ ներկա թիմից, քանի որ 22-ամյա խաղացողը չի կարողանում շահել նորանշանակ գլխավոր մարզիչ Ռոբերտո դի Մատեոյի վստահությունը: Հենց իտալացի մարզչի "մեղքով" է, որ այժմ ֆուտբոլիստը չի հրավիրվել Անգլիայի ազգային հավաքական, որը այժմ մասնակցում է "ԵՎՐՈ 2012"-ին: Կարծիք. Ֆուտբոլիստի տրանսֆերն այսօր արժե շուրջ 15 մլն ֆունտ, իսկ թե որ թիմը կվճարի այդքան, դժվար է հստակորեն ասել: *** Խորվաթիայի ազգային ընտրանու հարձակվող Մարիո Մանջուկիչը, ով ուղղակիորեն փայլուն է հանդես գալիս "ԵՎՐՈ 2012"-ի ժամանակ, հայտնվել է կատալոնական "Բարսելոնայի" ուշադրության կենտրոնում: Ավելին` 26-ամյա խաղացողի համար ակումբի ղեկավարությունը պատրաստ է գերմանական "Վոլֆսբուրգին", որին պատկանում է տղան, 20 մլն եվրո փոխհատուցում վճարել: Կարծիք. Օրերս լուրեր էին տարածվել, թե Մոսկվայի "Լոկոմոտիվը" ցանկանում է շուրջ 14 մլն եվրոյով ձեռք բերել տաղանդավոր խաղացողին: Գուցե դա է այս լուրի հիմքը հանդիսացել, որպեսզի զգալիորեն բարձրանա Մարիո Մանջուկիչի տրանսֆերի գինը: | |
|
| |
| Total comments: 0 | |