19:19 Շշուկներ կան Եվրոպայում. Մաս 4 | |
 Հերթական անգամ մեր կայքի ընթերցողներին կներկայացնենք վերջին ժամերին ողջ աշխարհում տարածված տրանսֆերային գրեթե բոլոր շշուկները, կանդրադառնանք բոլոր հնարավոր տրանսֆերներին ու նաև կմեկնաբանենք, թե որքանով այդ շշուկները կարող են մոտակա օրերին իրականություն դառնալ: Դե ուրեմն մենք արդեն սկսում ենք. հետևե՛ք մեր օրինակին: Եղե՛ք ակտիվ, մասնակցե՛ք ծավալվող քննարկումներին կամ էլ ինքներդ թեմաներ առաջարկեք:*** Գերմանական "Վոլֆսբուրգ" ակումբն այսօր հայտարարել է, որ թիմի կազմը համալրել է "Հաննովերի" պաշտպան Էմմանուել Պոգատեցով: Ռուսական "Սպարտակի" նախկին խաղացողի հետ կնքվել է մինչև 2015թ.-ը գործող երկկողմ պայմանագիր: Կարծիք. Ասում են` տաշած քարը գետնին չի մնա: Եթե "Սպարտակին" նա պետք չէ, ապա կգտնվի ավելի լավ ու հայտնի թիմ: *** Անգլիական "Վեսթ Հեմ" ակումբի ղեկավարությունը հայտարարել է, որ թիմը 3 տարվա պայմանագիր է ստորագրել Սենեգալի ազգային ընտրանու կիսապաշտպան Մոհամեդ Դիամեի հետ: "Ուիգանի" նախկին խաղացողը թիմին կմիանա հուլիսի 1-ին: Կարծիք. Վերջին շրջանում "Վեսթ Հեմն" անընդհատ ձեռքբերումներ է ունենում. թիմը ցանկանում է լավագույնս ելույթ ունենալ: *** "Մանչեսթեր Յունայթեդի" երիտասարդ դարպասապահ Թոմաշ Կուշչակը, հոգնելով պահեստայինի դերից, որոշել էր հեռանալ թիմից: Եվ ահա արդեն այսօր հայտնի է դարձել, որ հաջորդ մրցաշրջանում լեհ դարպասապահը կպաշտպանի "Չեմպիոնշիփի" ներկայացուցիչ "Բրայթոնի" դարպասը: Ազատ գործակալի կարգավիճակ ստացած Կուշչակի հետ 2-ամյա պայմանագիր է կնքվել: Կարծիք. Կորցնելով լեհ դարպասապահին` "Մանչեսթեր Յունայթեդը" իրականում ոչ մի կորուստ էլ չունեցավ. չէ՞ որ ներկայումս թիմի դարպասն են պաշտպանում դանիացի Անդրեաս Լինդեգարդն ու իսպանացի անմշակ ադամանդ Դավիդ դե Խեան: *** Իտալական "Միլանը" օրերս բավական հաջող գնում է կատարել` թիմ վերադարձնելով "Կիևոյի" կազմում իր մասին բարձր հայտարարած 23-ամյա պաշտպան Ֆրանչեսկո Աչերբիին: Երիտասարդ պաշտպանի հետ 5 տարվա պայմանագիր է կնքվել: Կարծիք. Ամենայն հավանականությամբ, երիտասարդ այս խաղացողը կդառնա Ալեսսանդրո Նեստայի արժանի հետնորդը: *** Ֆրանսիական "Սոշոյի" և Ֆրանսիայի ազգային ընտրանու 24-ամյա խաղացող Մարվեն Մարտենն օրերս արդեն պաշտոնապես տեղափոխվել է "Լիլլ": Խաղացողը հայտարարել է, որ նոր թիմ ընտրելիս խորհուրդ է հարցրել ազգային ընտրանու խաղացողներից: Կարծիք. Այս տղան բավական լավ ապագա կունենա հենց "Լիլլ" ակումբում, որը փորձում էր Էդեն Ազարին փոխարինող գտնել: *** "Նապոլիի" պաշտպան Մաթիաս Սիլվեստրն արդեն իսկ բանավոր պայմանավորվածություն է ձեռք բերել իտալական "Ինտերի" ղեկավարության հետ և շուրջ 11 մլն եվրո տրանսֆերային փոխհատուցման դիմաց կհամալրի "Ներաձուրիների" շարքերը: Կարծիք. Այս կերպ "Ինտերը" փորձում է զգալիորեն երիտասարդացնել թիմի պաշտպանությունը, որը բավականաչափ ծեր էր: | |
|
| |
| Total comments: 0 | |