Ինչպես տեղեկացնում է անգլիական  the SUN տաբլոիդը, արաբ շեյխերին պատկանող "Մանչեսթեր Սիթին" պատրաստ է մինչև 22 մլն ֆունտ ստեռլինգ վճարել զինագործների ֆրանսիացի 24-ամյա կիսապաշտպան Սամիր Նասրիին ձեռք բերելու համար: Հարկ է նշել, որ անձամբ Նասրին դեմ չէ "Սիթի" տեղափոխվելուն: Հավելենք նաև, որ Նասրին գործող պայմանագիր ունի "Արսենալի" հետ մինչև հաջորդ տարվա ամառ, ու մի քանի անգամ հայտարարել էլ է, որ պատրաստ է կատարել իր պայմանագրի բոլոր կետերը և միայն հաջորդ տարի հեռանալ թիմից, իր հերթին "Արսենալն" էլ չի պատրաստվում առանց փոխհատուցման բաց թողնել իր խաղացողին:

Սպասվում է, որ եթե Նասրին մնաց "Արսենալում", ապա հաջորդ տարվա ամռանը կարող է հայտնվել "Մանչեսթեր Յունայթեդում", իտալական "Միլանում" կամ "Ինտերում" և Մադրիդի "Ռեալում":