 Անգլիական "Մանչեսթեր Սիթին" ու իտալական "Միլանը" ոչ մի կերպ չեն կարողանում ընդհանուր հայտարարի գալ Կառլոս Տևեսի տրանսֆերի հարցում: Անձամբ Տևեսն արդեն "Միլանի" հետ համաձայնության է եկել աշխատավարձի
հարցում, սակայն անգլիական ակումբը չի ցանկանում 27-ամյա հարձակվողին
վարձավճարով տալ: "Մենք պատասխան ենք ստացել: Ոչ մի գաղտնիք չկա, իրավիճակը շատ պարզ է: "Սիթին" պատրաստվում է վաճառել Տևեսին, իսկ մենք ցանկանում ենք վարձակալել
նրան: Ֆրանսիական "ՊՍԺ"-ն նույնպես հետաքրքրվում է Տևեսով: Ես խոսել եմ Լեոնադրոյի հետ, նա
ասաց, որ ֆրանսիական ակումբի ղեկավարներն ամեն գնով փորձելու են ձեռք բերել
արգենտինացուն: Ամեն դեպքում ես արդեն որոշել եմ, եթե Տևեսը չգա Միլան,
մենք կհրավիրենք Մաքսի Լոպեսին, ում հետ նախնական պայմանավորվածություն
ունենք",-ասել է "Միլանի" փոխնախագահ Ադրիանո Գալլիանին իտալական ԶԼՄ-ների ներկայացուցիչներին:
|