 Անգլիական "Մանչեսթեր Սիթիի" տրանսֆերային քաղաքականության հերթական "զոհը" Լոնդոնից է լինելու, այդ մասին արդեն չի կարելի նույնիսկ դույզ-ինչ կասկածել: The Telegraph հեղինակավոր բրիտանական պարբերականի տեղեկացմամբ` թիմը լուրջ ծրագիր ունի "Արսենալի" ավագ Սեսկ Ֆաբրեգասին գնելու համար: Ռոբերտո Մանչինին հայտարարել է, որ Սեսկի հետ իր թիմը կարող է հաղթել "Պրեմիեր լիգայում": Ըստ նախնական տեղեկությունների` "Սիթին" այնպիսի առաջարկ է պատրաստում Սեսկի համար, որ "Արսենալը" գայթակղությանը հնարավոր է, որ նույնիսկ չդիմանա և միանգամից հրաժարվի խաղացողից: Բացի այդ, խոսվում է նաև այն մասին, որ Ֆաբրեգասը հոգնել է սպասելուց "Բարսելոնայի" կողմից կատարված այնպիսի առաջարկի, որը կստիպեր "Զինագործներին" բաց թողնել իրեն: |