15:25 "Սիթին" պատրաստ է 40 մլն վճարել Բուսկետսի համար | |
 Իսպանական հայտնի Marca օրաթերթը գրում է, որ անգլիական "Մանչեսթեր Սիթիի" արաբ ղեկավարները հունվարին իրականացնելու համար նոր տրանսֆեր են պատրաստում: Ըստ իտալական և իսպանական ԶԼՄ-ների` "Քաղաքայինները" իսպանացի Սերխիո Բուսկետսի համար պատրաստ են վճարել 40 մլն եվրո: "Սիթիի" իտալացի գլխավոր մարզիչ Ռոբերտո Մանչինին կարծում է, որ Բուսկետսը կարող է հիանալի կերպով լրացնել Յայա Տուրեին դաշտի կենտրոնում` համարելով, որ Տուրեն երբեմն չի հասցնում միայնակ լիարժեք գործել դաշտի կենտրոնում: Սակայն կա մի հանգամանք, որ այս տրանսֆերը կարող է կայանալ հաջորդ ամռանը: Բանն այն է, որ "Սիթին" ցանկանում է Բուսկետսին օգտագործել "Չեմպիոնների լիգայի" խաղարկությունում, ինչն այս մրցաշրջանում այլևս հնարավոր չէ: Նշենք, որ Բուսկետսն առայժմ թիմից հեռանալու ցանկություն չի հայտնել: | |
|
| |
| Total comments: 0 | |