Իտալական "Ինտեր" գլխավոր մարզիչ Ջան Պյերո Գասպարինին իտալական Football Italia ռադիոկայանի լրագրողին հայտնել է, որ այս մրցաշրջանում ինքը կփոխի "ներաձուրիների" առաջատար Ուեսլի Սնեյդերի խաղային դիրքը: "Ուեսլին աշխարհի հզորագույն խաղացողներից է, և կարծում եմ, որ նա պետք է խաղա հենց հարձակման գծում: Այս տարի նա իր համար նոր դիրքում հանդես կգա և կկարողանա օգնել մեր թինին: Անցած մրցաշրջանում "Ա Սերիայում" Սնեյդերը 25 հանդիպման ժամանակ ընդամենը 4 գոլ է խփել, իսկ այս տարի առնվազն 20-25 գնդակի հեղինակ կդառնա, ես դրանում ուղղակի համոզված եմ: Ուեսլին իմ թիմում հարձակվող կլինի և ոչ թե կիսապաշտպան",-ասել է "Ինտերի" գլխավոր մարզիչը: