14:40 Սոլդադոն կփորձի հավաքական վերադառնալ | |
 Իսպանական "Վալենսիայի" առաջատար հարձակվող Ռոբերտո Սոլդադոն երեկ կայացած Մադրիդի "Ատլետիկոյի" հետ հանդիպումից հետո (Խմբ.
"չղջիկները" շնորհիվ Սոլդադոյի գոլի կարողացան կոտրել "Ատլետիկոյի"
դիմադրությունը` հաղթելով 1-0 հաշվով) հույս է հայտնել, որ մոտակա
ժամանակներս կարող է վերադառնալ Իսպանիայի ազգային հավաքական: "Պարզ է, որ
իսպանացի ցանկացած խաղացողի երազանքն ազգային հավաքականում խաղալն է, ես
նույնպես բացառություն չեմ և հույս ունեմ` "Վալենսիայում" կհասնեմ
բարձունքների, որոնց շնորհիվ կարող եմ գրավել մեր գլխավորև մարզիչ Վիսենտե
դել Բոսկեի ուշադրությունը: Ներկայիս "Վալենսիան" գրեթե չի զիջում Մադրիդի
"Ռեալին" ու "Բարսելոնային", և այդ փաստից մենք կարող ենք օգտվել ու հասնել
մի շարք նվաճումների: Ինչ վերաբերում է իմ ցուցադրած խաղին, ապա դա գնալով
կկատարելագործեմ և շուտով էլ ավելի լավ խաղ կցուցադրեմ",-ասել է Սոլդադոն AS հանդեսին:Նշենք, որ Իսպանիայի ազգային ընտրանու կազմում Ռոբերտոն 2007թ.-ին երկու խաղ է անցկացրել, որոնց ընթացքում ոչ մի գոլ չի խփել: Հավելենք, որ իսպանական "Լա լիգայի" ներկայիս մրցաշրջանում Սոլդադոն երկու խաղում արդեն 4 գոլի հեղինակ է դարձել: | |
|
| |
| Total comments: 0 | |