Բրիտանական հեղինակավոր Sky Sports լրատվամիջոցը տեղեկացնում է, որ անգլիական "Վեսթ Հեմի" 30-ամյա անգլիացի կիսապաշտպան Սքոթ Պարկերն իր կարիերայի մոտակա մեկ մրցաշրջանը հանդես կգա Լոնդոնի "Տոտենհեմի" կազմում: Մոտակա ժամերի ընթացքում Պարկերը բուժզննում կանցնի "խթանների" մարզաբազայում, որից հետո պաշտոնապես կներկայացվի որպես լոնդոնյան ակումբի խաղացող: Նշվում է, որ ֆուտբոլիստի տրանսֆերը լոնդոնցիների վրա նստել է 10 մլն եվրո: