Կատալոնական "Բարսելոնայի" բուլղարացի նախկին ֆուտբոլիստ Խրիստո Ստոիչկովն Իսպանիայի "Արքայական" գավաթի եզրափակչում Մադրիդի " Ռեալից" կրած պարտության մեղավորներին տեսնում է ի դեմս` "կապտանռնագույնների" առաջատարների` Մեսսիի և Չավիի:

Ստոիչկովի կարծիքով, "Բարսելոնայի" պարտության պատճառն այն է, որ գնդակը խաղադաշտի կենտրոնում Մեսսիի և Չավիի մեղքով հաճախ էր անցնում մրցակիցին` նրանց հնարավորություն ընձեռելով արագ հակագրոհներ կազմակերպել: Բուլղարիայի հավաքականի նախկին ֆուտբոլիստն ավելացրել է նաև, որ "Բարսելոնան" բավական շատ գոլային պահեր ուներ, բայց չօգտագործեց, այդիսկ պատճառով էլ ստիպված է եղել զիջել իրենից կարգով թույլ թիմին: