22:55 Տորեսը չպետք է խաղա | |
 Անգլիական "Չելսիի"
գլխավոր մարզիչ Կառլո Անչելոտտիի նախկին օգնական Ռեյ Ուիլքինսը բրիտանական լրատվամիջոցներից մեկով ելույթ ունենալիս հայտարարել
է, որ եթե թիմը ցանկանում է դուրս գալ "Չեմպիոնների լիգայի" կիսաեզրափակիչ,
ապա Տորեսին պետք է թողնել պահեստայիննների նստարանին: Իսպանացին, ով
ձմեռային տրանսֆերային պատուհանի ժամանակ 50 մլն ֆունտով գնվեց "Լիվերպուլից", անցկացնելով 10 հանդիպում, ոչ մի գնդակ չի խփել իր նոր թիմի կազմում:Դոն Կառլոյի նախկին օգնականն ասել է. "Ես կնախընտրեի Դիդյե Դրոգբային սուր հարձակումների ժամանակ, Մալուդային՝ ձախից, իսկ Կալուն՝ աջից: Անձամբ ես այդ սխեմայով կխաղայի, քանի որ այլ ձևով դժվար է "Չելսիի" ֆուտբոլիստներին խաղադաշտ դուրս բերելը: Անելկան, Դրոգբան և Տորեսը միասին չեն կարողանում գործել, նրանցից միայն մեկը կարող է լինել խաղադաշտում": Հիշեցնենք, որ Կառլո Անչելոտտին "Չեմպիոնների լիգայի" քառորդ եզրափակչի առաջին հանդիպումից հետո, որն ավարտվել էր իր սաների պարտությամբ՝ 0-1 հաշվով, իր վստահությունն էր հայտնել Տորեսին. "Մենք հավատում ենք Տորեսին, նա էլ պետք է իրեն հավատա և փորձի գրավել մրցակցի դարպասը: Դրոգբան մեծ աշխատանք կատարեց, այն էլ շաբաթօրյա ծանր հանդիպումից հետո, այդ պատճառով ես Տորեսին թողեցի խաղադաշտում": | |
|
| |
| Total comments: 2 | |
|
| |