 Մադրիդի "Ռեալի" նախկին մարզական տնօրեն Խորխե Վալդանոն վստահ է, որ "Արքայական ակումբի" խաղի որակը կախված չէ միայն թիմի առաջատար Քրիշտիանու Ռոնալդուի տրամադրությունից: "Ռոնալդուն ընդունակ է մեկ հանդիպման ընթացքում երկու-երեք անգամ աչքի ընկնել՝ ցուցադրելով անհատական բարձր վարպետություն: Սակայն ամենակարևորն այն է, որ "Ռեալն" առանց Ռոնալդուի էլ կարող է հիանալի թիմ լինել: "Ռեալի" և "Բարսելոնայի" խաղի հիմնական տարբերությունն այն է, որ մադրիդյան ֆուտբոլիստները մրցակցին վերադասավորվելու ժամանակ չեն տալիս: "Ռեալը" երեք փոխանցումով կարող է մրցակցի տուգանային հասնել: Անցած մրցաշրջանի համեմատ այս տարի այդ առումով մեծ առաջընթաց կա",-նշել է Վալդանոն հանրահայտ Marca պարբերականի լրագրողի հետ զրույցում: |