 Բրիտանական Sky Sports News լրատվական գործակալությունը տեղեկացնում է, որ Լոնդոնի "Տոտենհեմի" հոլանդացի երիտասարդ կիսապաշտպան Ռաֆայել վան դեր Վարտն իր ուրախությունն է հայտնել իր թիմակից և խաղընկեր Լուկա Մոդրիչի այլ ակումբ տեղափոխության հարցերի փակման կապակցությամբ: Հոլանդացի կիսապաշտպանն ասել է. "Իսկապես ուրախ եմ, որ նա պատրաստվում է մնալ այստեղ, քանի որ մեզ համար նա կարևոր խաղացող է: Գրեթե ամեն օր նրան ասում ենք, որ մնա թիմում ու չհեռանա՝ անընդհատ կրկնելով. "Անցկացրու մեծ մրցաշրջան, ոչ թե հեռացիր": Նախագահն ասել է, որ նա պատրաստվում է մնալ: Այլևս տեղափոխության խոսք չկա. դա ուղղակի հիանալի է": |