 Լոնդոնի "Արսենալի" հոլանդացի հարձակվող Ռոբին վան Պերսին, ով իրեն տրված արձակուրդն ընտանիքի հետ անցկացնում է Արաբական Միացյալ Էմիրությունների Դուբայ քաղաքում, հանդիպել է լեգենդար արգենտինացի հարձակվող Դիեգո Մարադոնային, ով ներկայումս հանդիսանում է ԱՄԷ-ի առաջնությունում հանդես եկող "Ալ-Վասլ" ակումբի գլխավոր մարզիչը: Ինչպես տեղեկացնում են եվրոպական տեղեկատվական գործակալությունները, վան Պերսին նկարվել է Մարադոնայի հետ և գնդակի հետ վարժություններ է կատարել: Հոլանդացին տեղի լրագրողներին ասել է, որ ինքն իրեն երբեք չէր ների, եթե չկարողանար հանդիպել իր մանկության կուռքի հետ:
|