10:40 Վենգերը խոստանում է ակտիվ լինել | |
 Լոնդոնյան "Արսենալի" գլխավոր մարզիչ Արսեն Վենգերը հայտարարել է, որ իր թիմը բավականին ակտիվ կլինի ձմեռային տրանսֆերային պատուհանի ընթացքում: "Ես, իրոք, ակտիվ կլինեմ: Մենք խաղացողներ ենք փնտրում ամենուր: Բացի այդ` մենք պատրաստ ենք լսել առաջարկություններ մեր խաղացողների վերաբերյալ: Ցանկանում ենք թիմի կազմն ուժեղացնել, եթե հարմար տարբերակներ կլինի գտնել: Իհարկե, մարդիկ շատ են ուզում, որ մենք գնենք Լեո Մեսսիին, սակայն միայն նրանով չէ ֆուտբոլը սահմանափակվում: Տաղանդներ են պետք, որոնք կան ամենուրեք",- ասել է ֆրանսիացին: Հարկ է նշել, որ "Արսենալից" արդեն հեռացել է հարձակվող Մարուան Շամախը, ով էլ վարձավճարային հիմունքներով միայն այս մրցաշրջանը կխաղա "Վեսթ Հեմի" կազմում: "Զինագործների" շարքերը շուտով կլքեն նաև Անդրեյ Արշավինը և պաշտպան Յոհան Ջուրուն: Իր հերթին "Արսենալը" պաշտոնական առաջարկով դիմել է միայն "Բարսելոնային" Դավիդ Վիլյային ձեռք բերելու համար, սակայն հրաժարվել է վարձավճարային հիմունքներով մինչև մարտ համալրվել թիմի լեգենդ հանդիսացող Թյերի Անրիով:
| |
|
| |
| Total comments: 0 | |