Home » 2011 » Օգոստոս » 20 » Վենգերը կարող է պատժվել
18:32
Վենգերը կարող է պատժվել
 Ինչպես տեղեկացնում է ՈՒԵՖԱ-ի պաշտոնական կայքը, Եվրոպական ֆուտբոլի գլխավոր կառույցի վերաքննիչ կոմիտեն գործ է հարուցել Լոնդոնի "Արսենալի" ֆրանսիացի գլխավոր մարզիչ Արսեն Վենգերի նկատմամբ՝ ֆուտբոլային վերահսկիչ կառույցի կարգապահական կոմիտեի որոշմանը չհետևելու պատճառով: Հիշեցնենք, որ ֆրանսիացի մասնագետը ՈՒԵՖԱ-ի կանոնների խախտման համար որակազրկված էր "Չեմպիոնների լիգայի" վերջին որակավորման փուլի իտալական "Ուդինեզեի" հետ հանդիպմանը, և ըստ կանոնակարգի` որակազրկված մարզիչը խաղի ժամանակ չի կարող շփվել թիմի հետ և հանդիպմանը պետք է հետևի միայն տրիբունայից: Իսկ ահա Վենգերն իր օգնական Փեթ Ռայսի հետ շփվելու հնար էր գտել՝ մեկ այլ մարզչի՝ Բորո Պրիմորացայի միջոցով` նրան հեռախոսային կարճ հաղորդագրություններ ուղարկելով: Ընդմիջմանը Վենգերը զգուշացվել էր, որ նման բան չի թույլատրվում:

Նշենք, որ գործը ՈՒԵՖԱ-ի կարգապահական կոմիտեի հերթական նիստի ժամանակ կքննվի միայն օգոստոսի 22-ին:
Category: Թեժ գիծ ֆուտբոլի աշխարհից | Views: 404 | Added by: Hartsat | Rating: 5.0/1
Total comments: 0