17:20 Վիլյան շրջանցեց Ռաուլին | |
 Կատալոնական "Բարսելոնայի" և Իսպանիայի ազգային հավաքականի հարձակվող Դավիդ Վիլյան ընտրանու կազմում անձնական ռեկորդի հեղինակ է դարձել: Երեկ Իսպանացիները 2-1 հաշվով հաղթանակ են տոնել Չեխիայի հավաքականի նկատմամբ: Վիլյան նախ 69-րդ րոպեին, իսկ հետո 73-րդ 11մ հարվածով հասել է հաջողության` իր գոլերի քանակը հավաքականի կազմում հասցնելով 46-ի: Նախորդ ռեկորդը պատկանել էր լեգենդար Ռաուլին` 44 գնդակ: "Ես շատ էի ուզում թարմացնել այդ ռեկորդը, և շատ ուրախ եմ, որ կարողացա անել այդ բանն այդքան դժվարին և միևնույն ժամանակ կարևոր խաղում: Մի քանի օր առաջ ես պայմանավորվել էի իմ մտերիմ ընկերոջ` Պեպե Ռեյնայի հետ, որ եթե ինձ հաջողվի անցնել Ռաուլին, ապա այդ գոլը ես կնվիրեմ նրան",-ասել է Վիլյան: Հավելենք, որ 29-ամյա հարձակվողին պահանջվել է 72 խաղ, որպեսզի թարմացնի ռեկորդը, իսկ ահա Ռաուլին պահանջվել է 102 հանդիպում 44 գնդակ հեղինակելու համար: | |
|
| |
| Total comments: 0 | |