 Լոնդոնի "Տոտենհեմի" գլխավոր մարզիչ Անդրե Վիլլաշ-Բոաշը պատմել է իր ու Ժոզե Մոուրինյոյի աշխատանքային հարաբերությունների մասին, որոնք սկսվել են դեռևս "Պորտուից". "Դե, Մոուրինյոն ինձ համար բոլոր ժամանակների լավագույն մարզիչն է: Նրա հետ աշխատանքն ինձ համար ինքնատիպ փորձ էր: Շատ դժվար է գտնել մեկ այլ նման մակարդակի պրոֆեսիոնալի, ով այդքան շատ գիտելիքներ ու գործին նվիրվածություն ունի: Շատ ուրախ եմ, որ նա իմ մեջ տեսավ ապագա մասնագետին: Ես Ժոզեի համար ուսումնասիրում էի մրցակիցների խաղերը: Աշխատում էի նրա հետ և յուրացնում նրա աշխատանքային մեթոդները. նա հոյակապ ուսուցիչ է: Գուցե այսօր կարող են ասել, որ ես հենց Ժոզե Մոուրինյոյի մեթոդներով եմ աշխատում, սակայն այդպես չէ: Ես այլ կերպ եմ աշխատում, թեպետ չեմ մերժի, որ Ժոզեի հետ աշխատանքն իր կնիքը թողել է": |