 Լոնդոնի "Չելսիի" գլխավոր մարզիչ պորտուգալացի Անդրե Վիլլաշ-Բոաշը
ակումբի` դեպի Մալազիա ուղևորության շրջանակներում լրագրողների հետ կայացած մամուլի
ասուլիսի ժամանակ ասել է, որ այս մի քանի օրվա ընթացքում ինքն արդեն որոշել է, թե հատկապես
որ ֆուտբոլիստների տրանսֆերները պետք է գնի, ինչպես նաև խոստացել է, որ "արիստոկրատները"
նոր մրցաշրջանում չեն մնալու առանց տիտղոսի: Հեղինակավոր AFP սպորտային պարբերականը մեջբերում է երիտասարդ մասնագետի խոսքերը. "Նոր
մրցաշրջանում "Չելսին", անկասկած, չի մնալու առանց տիտղոսի: Վերջին տարիներին
ակումբը "Չեմպիոնների լիգայի" շրջանակներում երկու անգամ հասել է մինչև կիսաեզրափակիչ
և մեկ անգամ էլ եզրափակիչ: Ինչո՞ւ, միթե՞ մենք չենք կարող հաղթել այդ մրցաշարը: Չեմ տեսնում որևէ պատճառ, որը կանգարի մեզ հասնել դրան: Ասիական ուղևորության ընթացքում մենք պետք է հասնենք նրան, որպեսզի ֆուտբոլիստները նոր մրցաշրջանը սկսեն 100 տոկոսանոց պատրաստվածությամբ: Ես խաղալու հնարավորություն կտամ բոլոր 26 ֆուտբոլիստներին էլ: Կհասկանամ, թե ակումբին հատկապես որ ֆուտբոլիստներն են անհրաժեշտ: Հույս ունեմ, որ կկարողանանք գնել հենց այն ֆուտբոլիստին, որին ցանկանանք: "Կապույտների" կազմում հանդես են գալիս բազմաթիվ տաղանդավոր ֆուտբոլիստներ, և ես ցանկանում եմ իմանալ նրանց հնարավորությունները: Ցանկացած մարզիչ, ով իր ձեռքն է վերցնում "Չելսիի" ղեկը, հասկանում է, որ նրանից միայն հաղթանակներ են սպասում": |