 Լոնդոնի "Չելսիի" պորտուգալացի գլխավոր մարզիչ Անդրե Վիլաշ-Բոաշն քիչ անց` 20:00-ին, Անգլիայի առաջնության 5-րդ տուրի շրջանակներում մանչեսթերյան "Օլդ Թրաֆֆորդում" "Մանչեսթեր Յունայթեդի" հետ կայանալիք հանդիպումից առաջ տված մամուլի ասուլիսի ժամանակ ընդգծել է, որ մրցաշարային աղյուսակի դիրքային տեսանկյունից այս խաղն այդքան կարևորություն չի ներկայացնում: "Չելսիի" պաշտոնական կայքը մեջբերում է պորտուգալացի մասնագետի խոսքերը. "Ես հուսով եմ, որ իմ սաները գեղեցիկ ֆուտբոլ կցուցադրեն "Մանչեսթեր Յունայթեդի" հետ խաղում: Մենք շատ ենք ուզում երջանկացնել մեր երկրպագուներին: Այո, մենք խաղում ենք չեմպիոնության համար պայքարում մեր անմիջական մրցակցի հետ, բայց չէի ասի, որ աղյուսակում հորիզոնականների տեսանկյունից խաղն այդքան կարևոր է: Եթե մենք հաղթենք, կբարելավենք մեր դիրքերը, ոչ-ոքի խաղանք, այն նույնը կմնա, պարտվելուց էլ սարսափելի ոչինչ չի պատահի: Առջևում դեռ շատ խաղեր կան, և ինչպես պատմությունը ցույց է տալիս, վերջնական արդյունքը որոշվում է աշնանը": |