Իսպանական "Դեպորտիվոյի" նախկին գլխավոր մարզիչ, իսպանացի փորձառու մասնագետ Միգել Անխել Լոտինան այսուհետ աշխատելու է "Վիլյառեալում". այս մասին հայտնում է հանրահայտ Goal.com ֆուտբոլային կայքը: Հարկ է նշել, որ Լոտինան թիմի գլխավոր մարզչի պաշտոնում փոխարինելու է Խոսե Ֆրանսիսկո Մոլինային, ում հեռացրել էին իր աշխատանքից Իսպանիայի առաջնության 28-րդ տուրում "Լևանտեից" կրած դառը պարտությունից հետո:

   Հավելենք, որ ներկա պահին "Վիլյառեալը" զբաղեցնում է Իսպանիայի առաջնության 17-րդ հորիզոնականը, իսկ ահա հաջորդ խաղը թիմը կանցկացնի մարտի 22-ին` մրցելով Մադրդի "Ռեալի" դեմ: