Ֆրանսիայի ազգային ընտրանու գլխավոր մարզիչ Լորան Բլանը խորհուրդ է տվել Սամիր Նասրիին անհապաղ հեռանալ "Արսենալից" և տեղափոխվել մեկ այլ ակումբ, իսկ տվյալ դեպքում "Մանչեսթեր Սիթի". այս մասին հաղորդում է Daily Mail պարբերականը: "Նասրին երկար ժամանակ է արդեն, ինչ բանակցություններ է վարում "զինագործների" հետ: Նա չի ցանկանում նոր պայմանագիր կնքել լոնդոնյան ակումբի հետ, քանի որ ուզում է հեռանալ: Անձամբ ես չեմ կարող երկար սպասել այդ տրանսֆերին: Դա ինձ շատ է անհանգստացնում: Հավաքականի համար հիանալի կլիներ, եթե Նասրին ինչքան հնարավոր  է շուտ տեղափոխվեր մեկ այլ ակումբ",-ասել է Բլանը:

 Հիշեցնենք, որ Նասրիի պայմանագրի ժամկետը լոնդոնյան ակումբի հետ լրանում է 2012թ.-ի ամռանը, և 24-ամյա ֆրանսիացին արդեն նախնական համաձայնության է եկել "Մանչեսթեր Սիթիի" հետ: