 Անգլիական "Մանչեսթեր Յունայթեդի" իսպանացի դարպասապահ Դավիդ դե Խեայի ոչ պրոֆեսիոնալ խաղը քննադատում են գրեթե բոլոր անգլիական հայտնի պարբերականները, սակայն "կարմիրսատանայական" ակումբի ֆուտբոլիստները վստահ են, որ այդ ամենը ժամանակավոր բնույթ ունի և դե Խեան շուտով կսկսի փայլել: Ահա թե ինչ է ասել թիմի առաջատարներից մեկը` ֆրանսիացի եզրային պաշտպան Պատրիս Էվրան. "Դա նորմալ երևույթ է, երբ դու խաղում ես "Յունայթեդում" և քեզ քննադատում են: Սակայն թիմում բոլորը քաջալերում են նրան և վստահ եմ, որ ամեն ինչ ստացվելու է": Իսկ ահա երիտասարդ պաշտպան Քրիս Սմոլլինգը ասել է հետևյալը. "Որոշ թերթեր եզրակացություններ են անում երկու հանդիպումներից: Նա հիանալի է աշխատում մարզումների ժամանակ: Դավիդը փայլուն հանդիպումներ էր անցկացնում "Ատլետիկոյի" կազմում և մեր մարզիչը հավատում է, որ դե Խեան լինելու է լավագույնն աշխարհում":
|