12:26 "Յունայթեդը" չի վաճառելու իր խաղացողներին | |
 Անգլիական "Մանչեսթեր Յունայթեդը" լուրջ մտադիր է մերժել բոլոր այն թիմերին, որոնք կցանկանան գնել իր առանցքային խաղացողներ` կիսապաշտպան Նանիին ու հարձակվող Խավյեր Հերնանդեսին այս իսկ ամառային տրանսֆերային պատուհանի վերջին օրերի ընթացքում: Անգլիական ամենահարուստ ակումբի ղեկավարությունը դեռևս առավոտյան պաշտոնական հայտարարություն է տարածել` նշելով, որ թիմը մտադրություն չունեն ինչ-որ խաղացողների վաճառել, քանի որ բոլորի կարիքն էլ այս երկար մրցաշրջանի ընթացքում կզգա թիմի բազմափորձ շոտլանդացի գլխավոր մարզիչ Սըր Ալեքս Ֆերգյուսոնը: Հետաքրքիր է, որ դեռևս անցած շաբաթ մի տեղեկություն էր տարածվել, թե իբր պորտուգալացի Նանիի ծառայություններով լրջորեն հետաքրքրվում է Սանկտ-Պետերբուրգի "Զենիթը": Ավելին` ռուսական կողմն արդեն լավ առաջարկ էր ուղարկել "Յունայթեդին" 25-ամյա կիսապաշտպանի վերաբերյալ, սակայն "կարմիր սատանաների" մերօրյա ղեկավարությունը հրաժարվել էր անցած մրցաշրջանում թիմի կազմում ավելի քան 29 հանդիպման մասնակցած և ուղիղ 8 գոլի հեղինակ դարձած Նանիին վաճառել ռուսական հեղինակավոր թիմին:
| |
|
| |
| Total comments: 0 | |