Թուրքական "Ֆեներբախչեի" ուրուգվայցի պաշտպան Դիեգո Լուգանոն մոտ է "Յուվենթուս" տեղափոխվելուն: Համաձայն Tuttosport պարբերականի տարածած տեղեկությունների՝ ուրուգվայցի ֆուտբոլիստի գործակալը ժամանել է Միլան, որտեղ արդեն իսկ բանակցություններ է վարում Թուրինի "Յուվենթուսի" ղեկավարության հետ: Աղբյուրի ունեցած տեղեկություններով` 31-ամյա Լուգանոյի տրանսֆերային արժեքը կազմելու է 3.5 մլն եվրո:
Նշենք, որ նախորդ մրցաշրջանում Դիեգո Լուգանոն Թուրքիայի առաջնությունում անց է կացրել 28 խաղ և դարձել է 7 գոլի հեղինակ: Ֆուտբոլիստի պայմանագիրը "Ֆեներբախչեի" հետ նախատեսված է մինչև 2013թ.-ը: