07:29 "Զենիթը" 100 մլն եվրո վճարեց Հալկի ու Վիտցելի համար | |
 Ռուսական "Պրեմիեր լիգայի" վերջին երկու տարիների չեմպիոն Սանկտ-Պետերբուրգի "Զենիթը" պաշտոնական հաստատել է, որ բելգիացի երիտասարդ կիսապաշտպան Ակսել Վիտցելը պորտուգալական "Բենֆիկայից" տեղափոխվել է "Զենիթ", որտեղ կանցկացնի իր հետագա ֆուտբոլային կարիերան: Ավելի վաղ էլ նշվում էր, որ բելգիացու տրանսֆերի արժեքը կկազմի մոտ 40 մլն եվրո: Երիտասարդ ֆուտբոլիստը նախորդ մրցաշրջանում "Բենֆիկայի" կազմում անցկացրած 29 խաղում դարձել էր ընդամենը 1 գոլի ու 4 գոլային փոխանցման հեղինակ, բացի այդ` նրանով լրջորեն հետաքրքրվում էին մի շարք գրանդներ:Երեկ ուշ երեկոյան "Զենիթի" ղեկավարությունը Ռուսաստանում ամառային տրանսֆերային պատուհանի փակումից ընդամենը մի քանի ժամ առաջ հայտարարեցին, որ "Զենիթի" հետ պայմանագիր է կնքել նաև բրազիլացի աժդահա հարձակվող Հալկը, ում համար պետերբուրգցիները պորտուգալական "Պորտուին" շուրջ 60 մլն եվրո են վճարել. ուղիղ 40 մլն եվրոն կստանան պորտուգալացիները, 9 մլն եվրո կստանա Հալկի ֆուտբոլային իրավունքների փաթեթի շուրջ 15 տոկոսը վերահսկող մի գաղտնի ընկերություն, ևս 3 մլն եվրո կստա ֆուտբոլիստին դաստիարակած ակումբը, իսկ մնացած 8 մլն եվրոն միմյանց միջև կբաշխեն ֆուտբոլիստն ու իր գործակալը: | |
|
| |
| Total comments: 0 | |