 Ըստ բրիտանական լրատվամիջոցների` Լոնդոնի "Արսենալի" բրազիլացի ձախ պաշտպան Անդրե Սանթոսը բրիտանական ոստիկանության կողմից մեղադրվում է սեփական մեքենան անուշադիր վարելու մեջ: 29-ամյա հայտնի բրազիլացին ձերբակալվել է դեռևս օգոստոսին սեփական ակումբի մարզաբազայից ընդամենը մի քանի կիլոմետր հեռավորության վրա: Իրավապահ մարմինները օրերս հայտարարել են, որ ֆուտբոլիստի գերհզոր ավտոմեքենայի արագությունը գերազանցել է անգամ 130 մղ/ժ-ը: Հանդուգն վարորդը սեպտեմբերի վերջին ստիպված կլինի կանգնել դատարանի առաջ: Ֆուտբոլիստին կարող են դատապարտել անգամ երկու տարվա ազատազրկման, եթե նրա գործը հանկարծ հասնի Թագավորական դատարան, և նա լիովին մեղավոր ճանաչվի: |