21:37 "Շախտյորը"` Ուկրաինիայի չեմպիոն | |
 Ուկրաինական "Շախտյորին" չեմպիոն դառնալու համար անհրաժեշտ էր միայն մեկ հաղթանակ, քանի որ Կիևի "Դինամոն" արդեն կարողացել էր հաղթանակի հասնել: Խնդիրը հասկանալի էր Դոնեցկի "Շախտյորի" ֆուտբոլիստների համար, այդիսկ պատճառով էլ հանդիպման արդեն առաջին րոպեներից "Շախտյորի" ֆուտբոլիստները խաղի ղեկը վերցրին իրենց ձեռքը: "Մետալուրգի" ֆուտբոլիստները հասկանալով այդ ամենը` խաղի հիմնական շեշտը դրել էին պաշտպանության վրա և փորձում էին հակագրոհներով պատասխանել մրցակցին: Բայց մետալուրգցիներն առաջին խաղակեսում չկարողացան լրջորեն անհանգստացնել "հանքափոր" Պյատովին, բացի մի քանի հեռահար հարվածներ հասցնելուց նրա ուղղությամբ: "Մետալուրգի" ֆուտբոլիստները չկարողացան մինչև վերջ էլ լավ պաշտպանվել, և առաջին խաղակեսի ավարտին Լուիս Ադրիանոն բացեց խաղի հաշիվը: Երկրորդ խաղակեսն անցավ "Շախտյորի" գրոհներով: "Մետալուրգը" չկարողացավ վերականգնել հաշվի հավասարակշռությունը, իսկ խաղի հաշիվը կրկնապատկեց "հանքափորների" ավագ Դարիո Սռնան տուգանային հավածի դիպուկ իրացմամբ` վերջ դնելով մրցակցի` խաղը փրկելու բոլոր հույսերին: Այս հաղթանակից հետո "Շախտյորը" հռչակվեց Ուկրաինիայի չեմպիոն: | |
|
| |
| Total comments: 1 | |
|
| |