 "Մեկը բոլորի, բոլորը մեկի". այս կարգախոսով է գլխավորում "Ռեալ Մադրիդը" պորտուգալացի գլխավոր մարզիչ Ժոզե Մոուրինյոն, և զարմանալի չէ, որ "Ռեալի" բոլոր ֆուտբոլիստներն էլ աջակցում են իրենց մարզիչին թե հեշտ, թե դժվարին պահերին. "Մենք ամբողջ թիմով աջակցում ենք Մոուրինյոյին, հուսով եմ, որ նրա որակազրկումը (խմբ. ՈւԵՖԱ-ի պատժիչ կոմիտեն վճիռ է կայացրել Մոուրինյոյին որակազրկել 7 եվրոգավաթային խաղով, որը կարող է մեղմանալ մինչև 5 խաղի) կքչանա: Իմ կարծիքով Ժոզե Մոուրինյոյի որակազրկումը չափազանց շատ է: Այս մրցաշրջանում միայն մի մարզիչ չէ, որ իրեն ագրեսիվ է պահել, բայց միայն Մոուրինյոն է այսպես պատժվել",-ասել է Մադրիդի "Ռեալի" առաջատար պաշտպան Սերխիո Ռամոսը: |