 Կատալոնական "Բարսելոնա" ակումբի պատվավոր նախագահ հոլանդացի Յոհան Կրույֆը հերթական անգամ քննադատել է Մադրիդի "Ռեալի" գլխավոր մարզիչ պորտուգալացի Ժոզե Մոուրինյոյին` անհարիր պահվածք դրսևորելու համար: Կրույֆի խոսքերը մեջբերում է իսպանական Marca պարբերականը. "Մոուրինյոն, որպես մարզիչ արդեն շատ նվաճումների է հասել, բայց դա մետաղադրամի միայն մի կողմն է: Նա իր թիմի առաջնորդն է բոլոր իմաստներով: Բայց ինձ միանշանակ դուր չի գալիս հանրության մեջ նրա պահվածքը: Այստեղ գլխավորն այն չէ, թե նա ինչ է ասում, այլ այն, թե ինչպես է դա կատարվում: Միանշանակ նա վատ օրինակ է երեխաների համար": |